۱۴۰۳ د کب ۲۶

کابل – د افغانستان د خبریالانو مرکز نن د ۱۴۰۳ هجري لمریز کال د رسنیو او خبریالانو د ازادۍ د وضعیت راپور خپور کړ، چې له مخې یې د رسنیو د ازادۍ د محدودولو بهیر لا زیات شوی دی او د خبریالانو او رسنیو له حقونو څخه د سرغړونو شمېر د ۱۴۰۲ کال په پرتله ۲۴ سلنه زیاتوالی ښیي. په راپور کې راغلي، چې د تېر یو کال په اوږدو کې، د افغانستان د خبریالانو مرکز لږ تر لږه ۱۷۲ د رسنیو او خبریالانو له حقونو څخه د سرغړونې پېښې ثبت کړې دي، چې پکې د طالبانو له لوري د نويو محدودویتونو له امله د ۲۲ رسنیو د فعالیت بندېدل او د ۵۰ خبریالانو نیول شامل دي.